Maxay tahay sababta aan gabdhaha loo gudayn?

Gudniinka dumarku waa ku xadgudubka xuquuqda aadanaha. Xuquuqda Aadamku waxay khusaysaa dadka oo dhan, dhib malahan inay ka yimaadeen Afrika, Australiya, Aasiya, Ameerika ama Yurub, ha ahaadeen rag ama dumar ama ha noqdeen carruur, iyadoo aan loo eegayn waxay aaminsan yihiin iyo inay taajir yihiin iyo inay sabool yihiin.
Qof kasta oo bini aadam ahi wuxuu xaq u leeyahay inuu helo jir caafimaad qaba – waxaad xaq u leedahay inaad adigu go’aansato sidaad jirkaaga ula dhaqmayso iyo sida jidhkaaga ay dadka kale ula dhaqmayaan.
Jirka gabadhu waa kaamil sidii loo abuuray.
Ma jirto diin leh sharci qoran oo u baahan gudniinka gabdhaha.
Gudniinka gabdhaha waa ka mamnuuc Jarmalka iyo dalal kale oo badan.
Gudniinka dumarku wuxuu leeyahay cawaaqib xumo caafimaad oo daba dheer.
Haddii naagtu ninkeeda daacad u tahay kuma xirna haddii la guday iyo haddii kale.
Aad bay ugu adag tahay gabdhaha iyo haweenka uu saameeyay gudniinku inay ku noolaadaan mujtamac mamnuucaya oo dhalleecaynaya dhaqankan, tusaale ahaan Jarmalka iyo wadamada kale ee Yurub, Mareykanka, Kanada ama Australiya.

Gudniinka gabdhaha waa ka caado dalal badan. Caadadu waa qayb ka mid ah dhaqanka bulshada waxaana la isugu gudbiya jiilba kan xiga. Waxaa jira caadooyin wanaagsan, tusaale ahaan sida loogu dabaaldego dhalashada ilmaha, ixtiraamka odayaasha iyo ciidaha diinta. Waxaa jira caado leh cawaaqib xumo, sida gudniinka gabdhaha ama guurka gabdhaha aadka u yaryar/guurka qasabka ah. Maaddaama caadooyinku soo socdeen muddo dheer, la isma weydiiyo. Caadooyinka – xitaa kuwa waxyeellada leh – waa ay sii socdaan, xitaa haddii uusan qofna garanayn sababahooda.

wax badan oo ku saabsan arrintan

Maanta dadku waxay helaan macluumaad ka badan ta awoowayaashooda. Way fiicantahay in dib loo eego dhaqamadii hore. Dhaqanka iyo caadadu maahan go’aammo. Way baddali karaan oo ay la wareegi karaan dadku waqti kadib. Haddii awoowayaasheen ay heli lahaayeen macluumaad isku mid ah, waxay ogaan lahaayeen in caadooyinka qaarkood ay waxyeello u leeyihiin caafimaadka oo waxay u badan tahay inay joojin lahaayeen ku dhaqankooda. La qabsashada ama ka tagista caadadu macnaheedu maahan ka tegista ama la qabsiga dhaqanka. Tani waa qayb ka mid ah horumarka dabiiciga ah ee aadanaha.

Xusuusnow in jirkaagu adigu aad iska leedahay oo qofna uusan ku dhibaatayn doonin.

Diinta uma baahna ama kuma talinayso gudniinka gabdhaha! Waa dhaqan ka da ‘weyn diin kasta. Waa dhaqan waxyeello leh isla markaana aad khatar ugu ah caafimaadka gabdhaha iyo haweenka.